相遇不在亂世以外危難中相會會不會相愛

在順境時擦肩而過的緣分，在逆境中相會交集。

阿靈帶著辛科展開逃亡，一路躲避人類的追緝，竟意外來到了一處山谷秘境。方才相識就一起亡命的兩人，會發生什麼樣的故事呢?

誰都不是沒有故事的男女同學

---------------------------------

男：走離無情的城市
　　tsáu-lî bô-tsîng ê siânn-tshī
男：掩掩揜揜過日子
　　ng-ng-iap-iap kuè ji̍t-tsí
女：一巡一巡的空喙
　　tsi̍t sûn tsi̍t sûn ê khang-tshuì
女：坎坎坷坷的人生
　　khám-khám-khia̍t-khia̍t ê jîn-sing
男：一路艱苦來到遮
　　tsi̍t lōo kan-khóo lâi kàu tsia
男：天大的祕密 袂使講出喙
　　thinn-tuā ê pì-bi̍t buē-sái kóng tshut tshuì
女：你的出現使人真好奇
　　lí ê tshut-hiān sú-lâng tsin hònn-kî
女：你的傷有啥過去
　　lí ê siong ū siánn kuè-khì

女：是為何你會來到遮
　　sī uī-hô lí ē lâi kàu tsia
男：這款的生活予我心驚惶
　　tsit-khuán ê sing-ua̍h hōo guá sim kiann-hiânn
女：敢講是環境來迫害
　　kám-kóng sī khuân-kíng lâi pik-hāi
男：這款的事件予我心未定
　　tsit-khuán ê sū-kiānn hōo guá sim buē tiānn
合：我只想欲 對伊講出我的悲哀
　　guá tsí siūnn-beh tuì i kóng-tshut guá ê pi-ai
合：我只想欲 共這个祕密講予伊知
　　guá tsí siūnn-beh kā tsit-ê pì-bi̍t kóng hōo i tsai
合：我只想欲 對伊講出我的悲哀
　　guá tsí siūnn-beh tuì i kóng-tshut guá ê pi-ai
合：我只想欲 莫閣予人受著傷害
　　guá tsí siūnn-beh mài koh hōo-lâng siū-tio̍h siong-hāi

女：伊的眼神使人懷疑
　　i ê gán-sîn sú lâng huâi-gî
女：遐的傷痕予人掛心
　　hiah ê siong-hûn hōo lâng kuà-sim
男：藏一个祕密 煞予我拄著伊
　　tshàng tsi̍t ê pì-bi̍t suah hōo guá tú-tio̍h i
男：請命運莫閣來創治
　　tshiánn miā-ūn mài koh lâi tshòng-tī
女：啥物時陣才會當了解你的心
　　siánn-mih sî-tsūn tsiah ē-tàng liáu-kái lí ê sim
女：分享你的過往佮記持
　　hun-hióng lí ê kuè-óng kah kì-tî
男：啥物時陣才會當放心
　　siánn-mih sî-tsūn tsiah ē-tàng hòng-sim
男：將遐的惡夢攏放袂記
　　tsiong hiah ê ok-bāng lóng pàng buē kì

男：良心日夜受拖磨
　　liông-sim ji̍t-iā siū thua-buâ
女：是是非非會分明
　　sī-sī-hui-hui ē hun-bîng
男：心內激動歹控制
　　sim-lāi kik-tōng phái khòng-tsè
女：煩惱你不安的內心
　　huân-ló lí put-an ê luē-sim
合：我只想欲 對伊講出我的悲哀
　　guá tsí siūnn-beh tuì i kóng-tshut guá ê pi-ai
合：我只想欲 共這个祕密講予伊知
　　guá tsí siūnn-beh kā tsit-ê pì-bi̍t kóng hōo i tsai
合：我只想欲 對伊講出我的悲哀
　　guá tsí siūnn-beh tuì i kóng-tshut guá ê pi-ai
合：我只想欲 莫閣予人受著傷害
　　guá tsí siūnn-beh mài koh hōo lâng siū-tio̍h siong-hāi


📺點我看更多集台語青春Báng-gà